மாநில கூடைப்பந்து போட்டி: நாளை வீரர்கள் தேர்வு

இந்திய கூடைப்பந்து கூட்டமைப்பின் இணைவு பெற்ற தமிழ்நாடு கூடைப்பந்து கழகம் சார்பில் மாநில அளவிலான கூடைப்பந்து போட்டி விரைவில் நடத்தப்பட உள்ளது.

இதற்கான பெரம்பலூர் மாவட்ட அளவிலான அணிகளுக்கு வீரர்கள் தேர்வு நிகழ்ச்சி, டிசம்பர் 10ஆம் தேதி நடைபெற உள்ளது. தமிழ்நாடு கூடைப்பந்து கழகம் மற்றும் பெரம்பலூர் மாவட்ட கூடைப்பந்து கழகம் இணைந்து, பெரம்பலூர் மாவட்ட கூடைப்பந்து அணிக்கான வீரர்கள் தேர்வு செய்யும் நிகழ்ச்சி டிசம்பர் 10 ம் தேதி பெரம்பலூர் வெங்கடேசபுரத்தில் உள்ள கோல்டன் கேட்ஸ் பள்ளியில் நடைபெற உள்ளது. இதில், 18 வயதுக்குட்பட்ட பிரிவு போட்டிக்கான தேர்வில் மாணவ, மாணவிகள், அசல் வயது சான்று மற்றும் ஆதார் அட்டையுடன் நேரில் கலந்து கலந்து கொண்டு சான்றிதழ் சரிபார்க்கப்பட்டு , மேலும் அன்று நடைபெறும், தனி திறன் போட்டி தேர்வில் கலந்து கொண்டு, சிறப்பாக விளையாடும் மாணவ மாணவிகள், மாநில அளவிலான போட்டிக்கு தேர்வு செய்யப்பட உள்ளனர். தேர்வினை தமிழ்நாடு கூடைப்பந்து கழகம் அங்கரிக்கப்பட்ட கரூர் மாவட்ட செயலாளர் செந்தில்குமார் மற்றும் பெரம்பலூர் மாவட்ட பொருப்பாளர் பிரேம்நாத் ஆகியோர் தலைமையில் மாணவர்கள் தேர்வு நடைபெற உள்ளது. இதில் பெரம்பலூர் மாவட்ட அணிக்கான 12 வீரர்கள் மற்றும் வீராங்கனைகள் தேர்வு செய்யப்பட உள்ளனர். மேலும் விவரங்களுக்கு 98424 30644 என்ற எண்ணில் தொடர்பு கொண்டு தெரிந்து கொள்ளலாம் என பெரம்பலூர் மாவட்ட கூடைப்பந்து கழகம் மூலம் தெரிவிக்கப்பட்டுள்ளது.