சேலத்தில் மாநில அளவிலான கால்பந்து போட்டி துவக்கம்

சேலம் 4 ரோடு லிட்டில்பிளவர் பள்ளி முன்னாள் மாணவர்கள் சார்பில் மாநில அளவிலான கால்பந்து போட்டி பள்ளி வளாகத்தில் இன்று காலை தொடங்கியது. இந்த போட்டியில் ஜே.பி.ஆர். பல்கலைக்கழக அணி, ஒய்.எம்.எஸ்.சி. அணி, மதுரை மரியா அணி மற்றும் கோவை, தருமபுரி, கிருஷ்ணகிரி சென்னை உள்பட தமிழகத்தின் பல்வேறு மாவட்டங்களில் இருந்து அணிகள் பங்கேற்று விளையாடுகின்றன. இன்று தொடங்கிய முதல் போட்டியில் சென்னை – தருமபுரி அணிகள் கலந்து கொண்டு விளையாடின. மற்ற அணிகள் தொடர்ந்து விளையாடுகின்றன. வருகிற 19-ந்தேதி இறுதி போட்டிகள் நடைபெறுகிறது.

இந்த போட்டியில் முதல் இடம் பிடிக்கும் அணிக்கு ரூ.40ஆயிரமும், 2-ம் பரிசாக ரூ.30 ஆயிரம், 3-ம் பரிசாக ரூ.20 ஆயிரம், 4-ம் பரிசாக ரூ.10 ஆயிரமும், மேலும் சிறந்த விளையாட்டு வீரர்களுக்கான பரிசுகளும் வழங்கப்படுகிறது. இதனை மத்திய மாவட்ட தி.மு.க. செயலாளர் வக்கீல் ராஜேந்திரன் எம்.எல்.ஏ., ராமச்சந்திரன் மேயர் ஆகியோர் வழங்குகிறார்கள்.