எடப்பாடி அருகே மாநில அளவிலான கபடி போட்டி

சேலம் மாவட்டம் எடப்பாடியை அடுத்த வெள்ளரி வெள்ளி கிராமம் கல்லப்பாளையத்தில் மாநில அளவிலான கபடி போட்டி நடைபெற்றது. ஏ.எம்.கே ஸ்போர்ட்ஸ் கிளப் சார்பில் நடந்த இப்போட்டியில் சேலம், நாமக்கல், தர்மபுரி, ஈரோடு, கிருஷ்ணகிரி கோவை, திருப்பூர், திருச்சி, சென்னை, வேலூர் உள்ளிட்ட பல்வேறு மாவட்டங்களிலிருந்து 96 அணிகள் பங்கேற்றன. சேலம் விநாயகா கல்லூரி அணி முதல் பரிசு ரூ 30,000 மற்றும் கோப்பையையும், கோவை விவேகானந்தா கல்லூரி அணி 2ம் பரிசு ரூ25,000 மற்றும் கோப்பையும், சங்ககிரி சாமி அகாடமி அணி 3ம் பரிசு ரூ 20,000 மற்றும் கோப்பையும், ஜோலார்பேட்டை அணி 4ம் பரிசு கோப்பையும் தட்டிச் சென்றது. மேலும் சிறப்பாக விளையாடிய கபடி வீரர்களுக்குச் சிறப்பு பரிசுகளும் வழங்கப்பட்டது. இப்போட்டியினை பல்வேறு மாவட்டங்களிலிருந்தும் ஏராளமானோர் வருகை தந்து பார்த்து ரசித்து சென்றனர்.