மாநில அளவிலான பள்ளி மாணவர்களுக்கு ரோலர் ஸ்கேட்டிங் போட்டி!

பெரம்பலூர் புறவழிச்சாலை பகுதியில் உள்ள ஆதவ் பப்ளிக் பள்ளியில், மாநில அளவிலான பள்ளி மாணவ மாணவிகளுக்கு ரோலர் ஸ்கேட்டிங் போட்டி நடைபெற்றது. பெரம்பலூர் ரோலர் ஸ்கேட்டிங் அசோசியேசன் செயலாளர் ஆனந்த் தலைமையில் நடைபெற்ற இந்நிகழ்ச்சியில் திருச்சி அரியலூர் பெரம்பலூர் வேலூர் ராணிப்பேட்டை விழுப்புரம், திருப்பத்தூர் உள்ளிட்ட பத்துக்கும் மேற்பட்ட மாவட்டங்களைச் சேர்ந்த ரோலர் ஸ்கேட்டிங் வீரர்கள், 300 க்கும் மேற்பட்டோர் கலந்து கொண்டனர், ஐந்து வயது முதல் 16 வயது வரை உள்ள மாணவ, மாணவிகளுக்கு தனித்தனியாக நடத்தப்பட்ட இப் போட்டியில், 100, 200, 500 மீட்டர் போட்டிகள் நடைபெற்றன, இதில் அட்ஜஸ்டபிள், குவாடு, இன்லைன் ஆகிய போட்டிகள் நடைபெற்றன. இதில் பள்ளி மாணவ மாணவிகள் ஆர்வமுடன் கலந்து கொண்டு தங்களது திறமைகளை வெளிப்படுத்தி விளையாடினார்கள், போட்டியில் நடுவராக, திருவண்ணாமலை ரோலர் ஸ்கேட்டிங் அசோசியேசன் செயலாளர் தமிழ்ச்செல்வன் செயல்பட்டு,போட்டியில் வெற்றி பெற்ற மாணவர்களை தேர்வு செய்தார், ஒவ்வொரு போட்டிகளுக்கும் . ஒன்று, இரண்டு, மூன்று ஆகிய முதல் 3 இடம் பிடித்த வீரர்களுக்கு தங்கம், , வெள்ளி, செம்பு, பதக்கங்கள் முறையே வழங்கப்பட்டன. மாணவர்களுக்கு பதக்கங்களை ரோவர் பள்ளி தலைமை ஆசிரியர் செல்வராஜ் மற்றும் சிவாஸ் குழுமத்தின் உரிமையாளர் சிவா ஆகியோர் வழங்கினார்கள். இந்நிகழ்ச்சியில் மாணவ மாணவிகளின் பெற்றோர்கள் மற்றும் பயிற்சி ஆசிரியர்கள், பலர் கலந்து கொண்டனர். இந்நிகழ்ச்சிக்கான ஏற்பாடுகளை ஆதவ் பப்ளிக் பள்ளி நிர்வாகத்தின் மூலம் ஏற்பாடு செய்யப்பட்டிருந்தன,