டாஸ்மாக் கடை சுவரில் துளையிட்டு மதுபாட்டில்கள் திருட்டு - இருவர் கைது

திருவாரூர் மாவட்டம் நன்னிலம் அருகே உள்ள கீழ பணங்குடியில் டாஸ்மாக் அரசு மதுபான கடையில் சுவரில் துளையிட்டு மர்ம நபர்கள் ரூபாய் 12 ஆயிரத்து 750 மதிப்புள்ள 48 மது பாட்டில்களை திருடி சென்றனர். இது குறித்து டாஸ்மாக் கடை மேலாளர் கொடுத்த புகாரின் அடிப்படையில் நன்னிலம் போலீசார் வழக்கு பதிவு செய்து தீவிர தேடுதல் வேட்டையில் ஈடுபட்டனர்.அப்போது விசாரணையில் பனங்குடி மாங்குளத் தெருவை சேர்ந்த கபிலன் மற்றும் அரவிந்த் ஆகிய இருவரும் கீழ பனங்குடி டாஸ்மாக் கடையில் சுவரில் துளையிட்டு மதுபாட்டில் திருடியது தெரியவந்தது. இதனைத் தொடர்ந்து போலீசார் இருவரையும் கைது செய்தனர்.மேலும் அவர்களிடமிருந்து 48 மதுபான பாட்டில்களை பறிமுதல் செய்தனர்.