சாம்பவர்வடகரையில் மாணவர் சேர்க்கை விழிப்புணர்வு பேரணி

தென்காசி மாவட்டம், சாம்பவர் வடகரை அரசு மேல்நிலைப் பள்ளியில் மாணவர் சேர்க்கை விழிப்புணர்வு பேரணி நடைபெற்றது. இந்த பேரணியை பள்ளி தலைமை ஆசிரியை பிரபாவதி தலைமை தாங்கி துவக்கி வைத்தார். உதவி தலைமை ஆசிரியர் வைத்தியநாதன் வாழ்த்துரை வழங்கினார். பேரணி பள்ளியில் தொடங்கி மெயின் ரோடு வழியாக ராமசாமி கோவிலில் முடிவடைந்தது. விழிப்புணர்வு பேரணியில் இளஞ்செஞ்சிலுவை சங்க மாணவ மாணவிகள் மற்றும் சாரண சாரணியர் மாணவ மாணவிகள் மாணவர் சேர்க்கை குறித்த வாசகங்களை முழங்கி பொதுமக்களிடையே விழிப்புணர்வை ஏற்படுத்தினர். இந்த நிகழ்ச்சியை இளஞ் செஞ்சிலுவை சங்க பொறுப்பாசிரியர் ராஜேஷ் மற்றும் சாரண சாரணியர் பொறுப்பாசிரியர் நடராஜன் ஏற்பாடு செய்திருந்தனர். இந்த விழிப்புணர்வு பேரணியில் காவல்துறை சிறப்பு உதவி ஆய்வாளர் முத்துப் பாண்டி மற்றும் ஆசிரியைகள் சத்யா , மகேஸ்வரி, அனிதா, சண்முக ஜெகம் மற்றும் மாணவர்கள் பொதுமக்கள் திரளாக கலந்து கொண்டனர்.