சாரதா வித்யாஷ்ரம் பள்ளியில் மாணவர்கள் தனித்திறன் போட்டி

திருக்கோவிலுார சாரதா வித்யாஷ்ரம் பள்ளியில் மாணவர்களின் தனித்திறன் சாதனை நிகழ்ச்சி நடந்தது. அதனையொட்டி பல்வேறு போட்டிகள் நடத்தப்பட்டது. 50க்கும் மேற்பட்ட மாணவர்கள் தொடர்ந்து, ஒரு மணி நேரம் சிலம்பம் சுற்றியும், கராத்தே செய்து காண்பித்தனர். மாணவி கீதாஞ்சலி கண்ணை மூடிக்கொண்டு ஒரு நிமிடத்தில் 84 பந்துகளின் கலர்களை அசாத்தியமாக கூறி அசத்தினார். மேலும், மாணவர்களின் தனித்திறன் போட்டியாக ஸ்கேட்டிங், வெஸ்டர்ன் டான்ஸ், பரதநாட்டியம் உள்ளிட்ட போட்டிகள் நடத்தப்பட்டது. வெற்றி பெற்ற மாணவர்களுக்கு பரிசளிக்கும் நிகழ்ச்சி நடந்தது. பள்ளி முதல்வர் கீதா வரவேற்றார். தாளாளர் பிரபு தலைமை தாங்கினார். பள்ளியின் செயலாளர் கார்த்திகேயன் மாணவர்களுக்கு சான்றிதழ் மற்றும் பரிசு வழங்கி பாராட்டினார்.