மாவட்ட ஆட்சியரிடம் வாழ்த்துப் பெற்ற மாணவர்கள் 

தஞ்சாவூர், இந்திய குழந்தைகள் நலச் சங்கம் மாணவர் இல்லத்தில் பயிலும் மாணவர்கள், பல்வேறு போட்டிகளில் கலந்து கொண்டு வெற்றி பெற்ற சான்றிதழ்களை, மாவட்ட ஆட்சியர் அலுவலக கூட்டரங்கில், மாவட்ட ஆட்சித்தலைவர் தீபக் ஜேக்கப்பிடம் காண்பித்து வாழ்த்துக்களைப் பெற்றனர்.

தஞ்சாவூர், இந்திய குழந்தைகள் நலச் சங்கம் மாணவர் இல்லத்தில் பயிலும் மாணவர்கள், ஒருங்கிணைந்த பள்ளிக் கல்வித்துறை நடத்திய கலா உற்சவம், தனிநபர் நாட்டுப்புற நடனப் போட்டியில் மாணவர் ப.பிரவீன் கலந்து கொண்டு, மாநில அளவில் கலந்து கொண்டு மூன்றாம் பரிசையும், கலைபண்பாட்டுத் துறை நடத்திய மாநில கலைப் போட்டியில், தனிநபர் கிராமிய நடனப் போட்டியில்,

மாணவர் ம.பாலமுருகன் கலந்து கொண்டு, மாநில அளவில் இரண்டாம் பரிசும் பெற்றதை, இல்லத் தலைவரும், மாவட்ட ஆட்சித்தலைவருமான தீபக் ஜேக்கப்பிடம் காண்பித்து வாழ்த்துக்களை பெற்றனர். இந்நிகழ்ச்சியில் மாணவர் இல்ல கௌரவச் செயலாளர் ஆர்.ரகுமான் மற்றும் பலர் கலந்து கொண்டனர்.