நிலக்கோட்டை காவல் நிலையத்தில் வாகனங்களில் திடீர் தீ விபத்து

நிலக்கோட்டை காவல் நிலையத்தில், நிலக்கோட்டை மற்றும் சுற்று வட்டார பகுதிகளில் நடைபெற்ற குற்றவழக்குகளில் பறிமுதல் செய்யப்பட்ட கார், வேன், இருசக்கர வாகனங்கள், மாட்டுவண்டி என ஏராளமான வாகனங்கள் வத்தலக்குண்டு-மதுரை சாலையில் காவல் நிலையம் எதிர்புறம் உள்ள பழைய பேருந்து நிலைய இடத்தில் நிறுத்தி வைக்கப்பட்டுள்ளது.

அதன் பின்னால் உள்ள இடத்தில் அப்பகுதி மக்கள் குப்பைகளை கொட்டி வருகின்றனர். இந்நிலையில் நேற்று மாலை திடீரென வாகனங்கள் நிறுத்திய பகுதியில் தீப்பிடித்தது.

சிறிது நேரத்தில் தீ மளமளவென பற்றி எரியத் துவங்கியது. இதைப் பார்த்த காவல் நிலையத்தில் இருந்த போலீசார் உடனடியாக தீயணைப்புத் துறையினருக்கு தகவல் அளித்தனர். நீண்ட நேரம் காவல்துறையினர் மற்றும் பொதுமக்கள் போராடி தீயை கட்டுக்குள் கொண்டு வந்தனர்.