சிவகாசியில் திடீர் கோடை மழை - மக்கள் மகிழ்ச்சி

விருதுநகர் மாவட்டம், சிவகாசியில் இன்று மாலை,திடீரென கோடை மழை பெய்தது.சிவகாசி மற்றும் சுற்றுவட்டாரப் பகுதிகளில் கடந்த சில வாரங்களாக கோடை வெயில் கடுமையாக இருந்து வருகிறது.கடும் வெய்யிலுடன், அனல் காற்றும் வீசுவதால் ஏற்படும் கடுமையான வெட்கையால் பொதுமக்கள் கடும் சிரமப்பட்டு வந்தனர்.இந்த நிலையில் நேற்று காலையிலிருந்து வெயிலின் தாக்கம் சற்று குறைவாக இருந்து வந்தது.அவ்வப்போது மேகக்கூட்டம் திரண்டு வந்தது.

இதனையடுத்து,மாலை நேரத்தில் திடீரென்று பலத்த மழை பெய்யத் துவங்கியது. சுமார் ஒரு மணி நேரம் பரவலாக பலத்த மழை பெய்தது.மேலும்,விட்டு விட்டு தூறல் மழையும் பெய்து வருகிறது. இதனால் பல நாட்களாக இருந்து வந்த வெட்கையும் வெகுவாக குறைந்தது.திடீர் கோடை மழையால் சிவகாசி மற்றும் சுற்றுவட்டாரப் பகுதி மக்கள் மகிழ்ச்சியடைந்தனர்.