தூத்துக்குடியில் கோடைகால ஹாக்கி பயிற்சி முகாம்

தூத்துக்குடியில் பிரேவ் வாரியர்ஸ் ஹாக்கி கிளப் மற்றும் தமிழ்நாடு விளையாட்டு மேம்பாட்டு ஆணையம் இணைந்து நடத்தும் கோடைகால ஹாக்கி பயிற்சி முகாம் தருவை மைதானத்தில் இன்று தொடங்கியது. வரும் 15 ஆம் தேதி வரை முகாம் நடைபெறுகிறது. பயிற்சி முகாம் துவக்க விழாவிற்கு வ.உ.சி., துறைமுக மற்றும் அகில இந்திய துறைமுக ஹாக்கி வீரர்கள் ஜான், கென்னடி மற்றும் கதிரவன் ஆகியோர் தலைமை தாங்கினர். சிறப்பு விருந்தினர்களாக தொழிலதிபர்கள் அதிபன், வளர்மதி வரதன் ஆகியோர் கலந்து கொண்டு ஹாக்கி பயிற்சி முகாமை துவக்கி வைத்தனர். பயிற்சியாளர்கள் ரவி, சிவசூரியன் ஆகியோர் பயிற்சி அளித்தனர். பயிற்சியில் 122 மாணவ மாணவிகள் கலந்து கொண்டனர். இந்நிகழ்ச்சியில் ஹாக்கி வீரர்கள் ஜோசப், சங்கர், ஆலிவர், கோவிந்தன், பாலு , மதன், செல்வம் உள்பட பலர் கலந்து கொண்டனர். சிறப்பித்தார்கள்.