சுட்டெரித்த வெயில் - சூட்டை தணித்த கோடை மழை

ஏழைகளின் ஊட்டி என்று அழைக்கப்படும் ஏற்காட்டில் இந்த ஆண்டு கோடை வெயில் வழக்கத்தை விட அதிகமாக உள்ளது.எனவே எப்போதும் குளிர்ந்த நிலையில் காணப்படும் ஏற்காடு கூட கோடை வெயிலின் வெப்பமாக காட்சி அளித்தது. இந்தநிலையில் நேற்று கோடை மழை கொட்டி தீர்த்தது. இதனால் ஏற்காடு வந்த சுற்றுலா பயணிகள் மிகவும் மகிழ்ச்சி அடைந்தனர். மழை பெய்யும் போது வழக்கமாக ஓடி ஒதுங்குபவர்கள் கூட மழையில் நனைந்தபடி மகிழ்ந்தனர். கோடை வெயில் சுட்டெரித்த நிலையில் கொட்டி தீர்த்த மழை ஏற்காட்டில் வெப்பத்தின் சூட்டை தணித்ததாக மக்கள் மகிழ்ச்சி தெரிவித்தனர்.