ஆர்.கே.பேட்டையில் கோடை மழை

ஆர்.கே.பேட்டை மற்றும் அதை சுற்றியுள்ள பகுதியில், கடந்த சில நாட்களாக காலை முதல் மதியம் வரை மேகமூட்டமாக இருந்து வந்தது. மழை பெய்யாமல் போக்குகாட்டி வந்தது. நேற்றும் காலை முதல் மாலை வெயிலின் தாக்கம் குறைவாக இருந்தது. மாலை 4:00 மணியளவில், மேகம் திரண்டு வந்தது. தொடர்ந்து கனமழை கொட்டி தீர்த்தது. இதனால், தெருக்களில் வெள்ளம் பெருக்கெடுத்த பாய்ந்தது. இடி, மின்னல், சூறாவளி என எந்தவித பாதிப்பும் இன்றி பெய்த மழையால் பகுதிவாசிகள் மகிழ்ச்சி அடைந்தனர். இந்த மழையால் ஆர்.கே.பேட்டை சுற்றுப்பகுதியில் கோடை வெயிலின் தாக்கம் நேற்று முற்றிலும் குறைந்தது.