தர்மபுரியில் கோடைகால பயிற்சி முகாம் ஆட்சியர் அறிவிப்பு

இது குறித்து தர்மபுரி மாவட்ட ஆட்சியர் சாந்தி வெளியிட்டுள்ள அறிக்கையில்,தர்மபுரி மாவட்ட விளையாட்டரங்கத்தில் தடகளம், கையுந்து பந்து, இறகுபந்து, கபடி மற்றும் டேக்வாண்டோ ஆகிய விளையாட்டு போட்டி களுக்கு வரும் 29ம் தேதி முதல் மே 13ம் தேதி வரை பயிற்சி முகாம் நடக்கிறது. முகாமில் 18 வயதிற்குட் பட்ட மாணவ, மாணவிகள் கலந்து கொள்ளலாம். காலை 6.30 மணி முதல் 8.30 மணி வரையிலும், மாலை 4.30 மணி முதல் 6.30 மணி வரையிலும் பயிற்சி அளிக்கப்படும். முகாமில் கலந்து கொள்ளும் மாணவ, மாணவிகளுக்கு பயிற்சி கட்டணமாக தலா 200 ரூபாய் வீதம் நிர்ணயம் செய்யப்பட்டுள்ளது. பயிற்சி கட்டணத்தை ஆன்லைன், பிஓ எஸ் மெசின் வாயிலாகவே செலுத்த வேண்டும். எக் காரணம் கொண்டும் ரொக்கமாக பெறப்படமாட்டாது. பயிற்சி முகாமில் கலந்து கொள்ளும் மாணவ, மாணவிகள் தங் கள் பெயரை மாவட்ட விளையாட்டரங்கத்தில் பதிவு செய்து கொள்ளலாம். முகாமில் கலந்து கொள்ளும் அனைவரும் ஆதார் கார்டு நகலினை சமர்ப்பிக்க வேண்டும். முகாமில் கலந்து கொள்ளும் அனைவருக்கும் சான்றிதழ் வழங்கப்படும். இவ்வாறு செய்திக்குறிப்பில் தெரிவிக்கப்பட்டுள்ளது.