மதுவினால் மாண்ட மணமாகாத முதியவர் - காவல்துறை வழக்கு பதிவு

திண்டுக்கல் மாவட்டம், குஜிலியம்பாறை, ஆலம்பாடி அருகே உள்ள சத்திரிப்பட்டி பகுதியைச் சேர்ந்தவர் கிருஷ்ணன் வயது 60. இவருக்கு திருமணம் ஆகவில்லை. அதேசமயம், மது பழக்கத்திற்கு அடிமையாக இருந்தார். இந்நிலையில், ஏப்ரல் 17ம் தேதி காலை 10:30 மணி அளவில், கரூர் மாவட்டம், வெள்ளியணை காவல் எல்லைக்குட்பட்ட, செல்லாண்டிபட்டி பஸ் ஸ்டாப் அருகே உயிரிழந்த நிலையில் கிடந்துள்ளார்.

இந்த தகவல் அறியப் பெற்ற கிருஷ்ணனின் மூத்த சகோதரர் மாரிமுத்து, இது தொடர்பாக காவல்துறையினருக்கு அளித்த தகவலின் பேரில், சம்பவ இடத்திற்கு விரைந்து வந்த காவல் துறையினர், உயிரிழந்த கிருஷ்ணனின் உடலை மீட்டு, உடற்கூறு ஆய்வுக்காக கரூர் அரசு மருத்துவக் கல்லூரி மருத்துவமனைக்கு அனுப்பி வைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர் வெள்ளியணை காவல்துறையினர்.