விஜயபாஸ்கர் தனது 50 ஆவது பிறந்த நாளை முன்னிட்டு சுவாமி தரிசனம்

புதுக்கோட்டை திருவப்பூர் முத்துமாரியம்மன் கோயிலில் முன்னாள் சுகாதாரத் துறை அமைச்சர் விஜயபாஸ்கர் தனது 50 ஆவது பிறந்த நாளை முன்னிட்டு சுவாமி தரிசனம் செய்து, தொண்டர்களுடன் கேக் வெட்டி கொண்டாடினார். இதனைத் தொடர்ந்து பக்தர்களுக்கு காலை உணவு வழங்கினார். புதுக்கோட்டை மாவட்டம் விராலிமலை சட்டமன்ற உறுப்பினரும், முன்னாள் சுகாதாரத்துறை அமைச்சரும், அதிமுக வடக்கு மாவட்ட செயலாளருமான விஜயபாஸ்கர் இன்று தனது 50 ஆவது பிறந்தநாளை கொண்டாடி வருகிறார். நாடாளுமன்றத் தேர்தலை முன்னிட்டு கரூர் நாடாளுமன்ற தொகுதி, திருச்சி நாடாளுமன்ற தொகுதிக்கு விஜயபாஸ்கர் பொறுப்பாளராகவும் நியமிக்கப்பட்டுள்ளார். இந்த இரண்டு தொகுதிகளிலும் முன்னாள் அமைச்சர் விஜயபாஸ்கர் அதிமுக வேட்பாளர்களுக்கு தீவிர வாக்கு சேகரிப்பில் ஈடுபட்டு வருகிறார். இதற்கு மத்தியில் இன்று தனது 50 வது பிறந்த நாளை கொண்டாடும் விஜயபாஸ்கர் புதுக்கோட்டை திருவப்பூர் முத்துமாரியம்மன் கோயிலில் அதிமுக நிர்வாகிகளுடன் மனம் உருகி வழிபாடு செய்தார். இதனைத் தொடர்ந்து தொண்டர்களுடன் கேக் வெட்டி கொண்டாடி மகிழ்ந்தார். இதையடுத்து முத்துமாரியம்மன் கோவில் முன்பாக பக்தர்களுக்கு காலை உணவான இட்லி, வடை, புளியோதரை வழங்கி பொதுமக்களிடம் ஆசி பெற்றார். இதனைத் தொடர்ந்து அதிமுக நிர்வாகிகள் பலரும் அவருக்கு வாழ்த்து தெரிவித்து வருகின்றனர்....