அரசு பள்ளியில் தமிழ் கூடல் நிகழ்ச்சி

கெங்கவல்லி: ஆத்தூர் அருகே மஞ்சினி அரசு மேல்நிலைப்பள்ளியில், தமிழக பள்ளிக்கல் வித்துறையின் வழிகாட்டலின் படி, தமிழ் கூடல் நிகழ்ச்சி நடைபெற்றது. இந்நிகழ்ச்சிக்கு தலைமை ஆசிரியர் முரளிதரன் தலைமை வகித்தார், தமிழாசிரியர் முத்துக்கண்ணு முன்னிலை வகித்தார். ஓய்வு பெற்றமுதுகலை ஆசிரியர் பாரி, தமிழின் தொன்மை, பெருமைகளை மாணவர்களிடையே கூறினார்.மேலும் திருக்குறள், நாலடியார். பாரதியார் கவிதைகள் மற்றும் பல்வேறு தமிழ் நூல்களின் சிறப்பையும் மாணவர்களிடையே விளக்கினார். இந்நிகழ்ச்சியில் மாணவ, மாணவிகள், ஆசிரியர்கள் திரளாக கலந்து கொண்டனர்.