அரூரில் தமிழ்நாடு அறிவியல் இயக்க கிளை மாநாடு

அரூரில் தமிழ்நாடு அறிவியல் இயக்க கிளை மாநாடு அண்மையில் நடைபெற்றது. இந்த மாநாட்டில் உடற்கல்வி ஆசிரியர் பழனி துரை தலைமை வகித்தார். கவிஞர் மு. பிரேம்குமார் வரவேற்றார். நூலகர் தீர்த்தகிரி முன்னிலை வகித்தார். ஆசிரியர்கள் எ.கொ.அம்பேத்கர், செந்தில், கவிஞர்.ஆதி முதல்வன் ஆகியோர் சமூக மாற்றத்திற்கான அறிவியல் என்ற தலைப்பில் கருத்துரைகளை வழங்கினர்.

தொடர்ந்து, அரூர் கிளையின் புதிய தலைவராக மூர்த்தி, செயலராக பழனிதுரை, பொருளராக பெரு. சுரேஷ் , துணைத் தலைவராக கிருஷ்ணன், இணை செயலாளராக கல்பனா, செயற்குழு உறுப்பினர்களாக சிலம்பரசன், சஞ்சய் , ஹரிஷ், தயா சங்கர், விஜயராஜ் ஆகியோர் தேர்வு செய்யப்பட்டனர்.

முன்னதாக இந்த மாநாட்டில் பள்ளி மற்றும் கல்லூரி மாணவர்கள் இடையே அறிவியல் குறித்த கருத்தரங்குகள், விழிப்புணர்வு பிரசாரங்களை செய்தல், அறிவியல் மனப்பான்மை வளர்த்தல் உள்ளிட்ட தீர்மானங்கள் நிறைவேற்றப்பட்டன.