தமிழக வெற்றி கழக தலைவர் விஜயிடம் பரிசு பெற அழைப்பு

தமிழக வெற்றி கழக தலைவர் நடிகர் விஜய் அதிக மதிப்பெண் பெற்ற மாணவ, மாணவிகளுக்கு ஆண்டுதோறும் பரிசு வழங்கி கௌரவிப்பார். அந்த அடிப்படையில் திண்டுக்கல் மாவட்டத்தில் அதிக மதிப்பெண் பெற்ற செவாலியர் அகாடமி பள்ளி 11ஆம் வகுப்பு மாணவி ஹர்ஷினி 487 மதிப்பெண் பெற்று சாதனை படைத்தார். மாணவிக்கு தமிழக வெற்றி கழக தலைவர் நடிகர் விஜய் சென்னையில் ஊக்கப்பரிசும் , கேடயமும், சான்றிதழ்களை வழங்கி பாராட்டு தெரிவிக்க உள்ளார். இதற்கான விழா வரும் 28ஆம் தேதி சென்னையில் நடக்கிறது. இதற்கான அழைப்பு கடிதத்தை தமிழக வெற்றிக்கழக நிர்வாகி ராஜமாணிக்கம், செவாலியர் அகாடமி பள்ளி தாளாளர் அருட்தந்தை ஆரோக்கிய பிரபுவிடம் அளித்தார். மாணவியை பள்ளி முதல்வர் ரோஸ்லின் , துணை முதல்வர் ஞானசீலா மற்றும் ஆசிரியர்கள் பாராட்டி, வாழ்த்து தெரிவித்தனர்.