வேளச்சேரியில் தீவிர வாக்கு சேகரிப்பில் ஈடுபட்ட தமிழச்சி தங்கபாண்டியன்

சென்னை, வேளச்சேரி மேற்கு 175-வது வட்டம் பகுதியில் 14-வது நாளாக திமுக தென் சென்னை வேட்பாளர் தமிழச்சி தங்கபாண்டியன் பொது மக்களை நேரில் சந்தித்து வாக்கு சேகரிப்பில் ஈடுபட்டார் .

இந்த 14-வது நாள் வாக்கு சேகரிப்பை அமைச்சர் மா. சுப்பிரமணியன், வேளச்சேரி சட்டமன்ற உறுப்பினர் அசான் மௌலானா, ஆகியோர் தேர்தல் பிரச்சாரத்தினை தொடங்கி வைத்தனர். 175 வது வட்டம் - பெரியார் நகர் நேதாஜி சாலையில் தொடங்கி,பெரியார் நகர் நேதாஜி சாலை,கருணாநிதி தெரு, கம்பர் தெரு, கண்ணகி தெரு, மதியழகன் தெரு, திரு.வி.க தெரு, லேக் வியூ தெரு அதனை தொடர்ந்து,, பவானி நகர், டாக்டர் அம்பேத்கார் நகர், N.G.O. காலனி 1-வது மெயின் ரோடு, டெலிபோன் காலனி, A.S.K நகர் மெயின்ரோடு, கணேஷ் நகர் (டெலிபோன் காலனி) 1-வது தெரு, கக்கன் நகர் வந்து கார்ப்பரேசன் வங்கி தெருவில் நிறைவு பெறுகிறது. வேளச்சேரி பகுதியில் வாக்கு சேகரிக்க வரும் தமிழச்சி தங்கபாண்டியனுக்கு, திமுக நிர்வாகிகள் சார்பில் மாலை அணிவித்து, வழி நெடுகிலும் மலர் தூவி, ஆரத்தி எடுத்து பிரம்மாண்ட வரவேற்பு அளிக்கப்பட்டது

வாக்கு சேகரித்து வரும் தமிழச்சி தங்கபாண்டியனுக்கு மயிலாட்டம் ஒயிலாட்டம் கரகாட்டம் என பல்வேறு கலை நிகழ்ச்சிகள் வகித்து வரவேற்பு அளிக்கப்பட்டது வாக்கு சேகரிக்க செல்லும் தமிழச்சி தங்கபாண்டியன் மேளதாளங்களுடன் சென்று பொதுமக்களிடையே தனது செயல்படுத்திய திட்டங்களை குறித்து தெரிவித்து வாக்கு சேகரிப்பில் ஈடுபட்டார்.