தமிழச்சி தங்கபாண்டியன் தீவிர வாக்கு சேகரிப்பு

சென்னை, விருகம்பாக்கம் சட்டமன்ற தொகுதியின், கலைஞர் நகர் தெற்கு பகுதி 136-வது வட்டம், இராணி அண்ணா நகர் பகுதியில் 11-வது நாளாக திமுக தென் சென்னை வேட்பாளர் தமிழச்சி தங்கபாண்டியன் பொது மக்களை நேரில் சந்தித்து வாக்கு சேகரிப்பில் ஈடுபட்டார். இந்த 11-வது நாள் வாக்கு சேகரிப்பை விருகம்பாக்கம் சட்டமன்ற உறுப்பினர் பிரபாகரன் ராஜா, கே.கே.நகர் வட்ட செயலாளர் தனசேகரன் ஆகியோர் தேர்தல் பிரச்சாரத்தினை தொடங்கி வைத்தார்.

வாக்கு சேகரிப்பு விருகம்பாக்கம், கலைஞர் நகர் தெற்கு பகுதியான இராணி அண்ணா நகர் பகுதியில் தொடங்கி, காமராஜர் தெரு, கன்னிகாபுரம், விஜயராகவபுரம், சத்யா கார்டன், பரணி காலனி, ராஜமன்னார் சாலை மேலும்,, பொப்பிலிராஜா சாலை, ஆற்காடு ரோடு, சிவலிங்கபுரம். L.I.C.குடியிருப்பு, CPWD குடியிருப்பு, ஒன்று முதல் ஆறு வரை உள்ள செக்டர் மாடல் ஹவுஸ், டபுள்டேங் காலனி, கலைஞர் தெரு, அதனை தொடர்ந்து,,, லட்சுமணசாமி சாலை, அழகிரிசாமி சாலை, அண்ணா மெயின் ரோடு, ராமசாமி சாலை, R.K.சண்முகம் சாலை வழியாக வந்து பி.டி.ராஜன் சாலையில் நிறைவு பெற்றது.