டாஸ்மாக் கடைகளை மூடுவதாக கூறி வளமாக நடத்தி வரும் திமுக - ஜி.கே.வாசன்

ஈரோடு் நாடாளுமன்ற தொகுதி தமிழ் மாநில காங்கிரஸ் கட்சி வேட்பாளர் விஜயகுமாரை ஆதரித்து சைக்கிள் சின்னத்திற்கு வாக்குகள் கேட்டு தமிழ் மாநில காங்கிரஸ் தலைவர் ஜி.கே.வாசன் மொடக்குறிச்சியில் பிரச்சாரம் மேற்கொண்டார்.

பிரச்சாரத்தில் பேசிய ஜி.கே.வாசன் , இந்த தேர்தல் மிக முக்கியமான தேர்தல் என்றும் பொருளாதார வளர்ச்சி பெற வேண்டும், மக்கள் பாதுகாப்புடன் இருக்க வேண்டும் மோடி 3 வது முறையாக பிரதமராக பதவி ஏற்க வேண்டும் என்றார் வளமான தமிழகம் , வலிமையான பாரதம் பெற அடிப்படையான தேர்தல் இது என்ற ஜி.கே.வாசன் , மத்திய அரசின் 10 ஆண்டுகால சாதனை தான் நமது வெற்றியின் அடித்தளம் என்றும் பிரதமர் மோடி தமிழ் மீதும் , தமிழர்கள் மீதும் பற்றும் , கலாச்சாரத்தின் மீது மதிப்பு , திறக்குறள் மீது வெளிநாடுகளுக்கு சென்றாலும் மதிப்பு வைத்துள்ளார் என்றார்.

திமுக டாஸ்மாக் கடைகளை மூடும் என கூறிவிட்டு அதை வளமாக நடத்தி கொண்டு இருப்பதாகவும் , தமிழகத்தின் சட்டம் ஒழுங்கு கவலைக்கிடமாக உள்ளதாகவும் , கொலை , கொள்ளை அதிகரித்துள்ளதாகவும் இதற்கு எல்லாம் முற்றுப்புள்ளி வைக்க தேசிய ஜனநாயக கூட்டணியினருக்கு வாக்களிக்க வேண்டும் என கேட்டுக்கொண்டார்.