கஞ்சா வைத்திருந்த வாலிபர் கைது

உளுந்துார்பேட்டை அருகே கஞ்சா வைத்திருந்த வாலிபரை போலீசார் கைது செய்தனர். எடைக்கல் சப் இன்ஸ்பெக்டர் ராமதாஸ் மற்றும் போலீசார் நேற்று மாலை பாலி அருகே ரோந்து சென்றனர். அப்போது சந்தேகப்படும்படியாக நின்றிருந்த வாலிபரை பிடித்து விசாரணை செய்தனர். அதில் அவர், கஞ்சா வைத்திருந்தது தெரியவந்தது. மேலும், கடலுார் மாவட்டம், விருத்தாசலம் அடுத்த சிறுவம்பார் பகுதியைச் சேர்ந்த மகாதேவன் மகன் மணி, 24; என்பதும் தெரிந்தது. உடன் அவரிடமிருந்த 100 கிராம் கஞ்சாவை பறிமுதல் செய்து, மணியை கைது செய்தனர்.