கஞ்சா வைத்திருந்த வாலிபர் கைது

மணலுார்பேட்டை சப் இன்ஸ்பெக்டர் துர்கா தேவி மற்றும் போலீசார் நேற்று ரோந்துப் பணியில் ஈடுபட்டிருந்தனர். முருக்கம்பாடி ஏரிக்கரை அருகே சந்தேகப்படும்படி நின்றிருந்த அதே பகுதியைச் சேர்ந்த ரவி மகன் சஞ்சய், 26; என்பவரை பிடித்து சோதனை செய்தனர். அதில் அவர், 50 கிராம் கஞ்சா மற்றும் குட்கா பாக்கெட்டுகள் விற்பனைக்காக வைத்திருந்தது தெரியவந்தது. உடன் அவற்றை பறிமுதல் செய்து, வழக்குப்பதிந்து சஞ்சய்யை கைது செய்தனர்.