ரயிலில் இருந்து தவறி விழுந்து வாலிபர் உயிரிழப்பு - போலீசார் விசாரணை

ராணிப்பேட்டை மாவட்டம், ராணிப்பேட்டை அடுத்த அக்ராவரம் பகுதியில் அமைந்துள்ள ரயில்வே தரைப்பாலம் அருகே ரயில்வே தண்டவாளத்தில் 35 வயது மதிக்கத்தக்க அடையாளம் தெரியாத இளைஞர் ஒருவர் காயப்பட்டு கூச்சலிட்டு இருப்பதை கண்ட அவ்ழியாகச் சென்ற நபர்கள் 108 ஆம்புலன்ஸ்க்கு தகவல் தெரிவித்தனர் அதன் அடிப்படையில் விரைந்து வந்த 108 ஆம்புலன்ஸ் அடையாளம் தெரியாத காயப்பட்ட இளைஞரை மீட்டு சிகிச்சைக்காக வாலாஜாபேட்டை அரசு தலைமை மருத்துவமனைக்கு கொண்டு சென்றனர் காயப்பட்ட இளைஞரை மருத்துவர்கள் பரிசோதனை செய்ததில் அவர் வரும் வழிலையே உயிரிழந்து விட்டார் என தெரிவித்தனர். இதனை அடுத்து உயிரிழந்தவரின் உடல் பிரேத பரிசோதனைக்காக பிணவறைக்கு கொண்டு செல்லப்பட்டது. மேலும் சம்பவம் குறித்து வழக்கு பதிவு செய்த காட்பாடி ரயில்வே போலீசார் தண்டவாளத்தில் காயப்பட்டு மருத்துவமனைக்கு சென்று உயிரிழந்த அடையாளம் தெரியாத இளைஞர் யார் என விசாரணை மேற்கொண்டு வருகின்றனர் முதற்கட்ட விசாரணையில் பயணியர் ரயிலில் பயணித்த பயணி தூக்க கலத்தில் கீழே விழுந்து இருக்கலாம் என ரயில்வே போலீசார் தகவல் தெரிவித்தனர்.