பொன்னமராவதி அருகே கோயில் குடமுழுக்கு விழா

பொன்னமராவதி அருகேயுள்ள கண்டியாநத்தம் புதுப்பட்டி முத்தையா சுவாமி கோயில் குடமுழுக்கு விழா நடைபெற்றது. விழாவின் தொடக்கமாக சனிக்கிழமை முதல்கால யாக பூஜைகள் நடைபெற்றன. ஞாயிற்றுக்கிழமை அதிகாலை இரண்டாம் கால யாக பூஜைகள் நடைபெற்றதையடுத்து காலை 10.50 மணியளவில் சிவாச்சாரியார்கள் பூஜிக்கப்பட்ட புனித நீரை கும்பத்தில் ஊற்றிகுடமுழுக்கு செய்தனர்.

விழாவில் திரளான பொதுமக்கள் வழிபட்டனர். ஏற்பாடுகளை முத்தையா கோயில் பங்காளிகள் மற்றும் ஊர்ப் பொதுமக்கள் செய்தனர். இதுபோல வேந்தன்பட்டி வேந்தி அம்மன் கோயில் குடமுழுக்கு விழா ஞாயிற்றுக்கிழமை நடைபெற்றது. திரளான பொதுமக்கள் வழிபட்டனர்.