மேல்மருவத்தூா் ஆதிபராசக்தி சித்தா் பீடத்தில் தைப்பூச ஜோதி விழா

மேல்மருவத்தூா் ஆதிபராசக்தி சித்தா் பீடத்தில் தைப்பூச ஜோதி விழாவை முன்னிட்டு செவ்வாடை பக்தா்கள் சக்திமாலை அணிந்து இருமுடி செலுத்துவது வழக்கம். நிகழ் ஆண்டுக்கான விழாவை முன்னிட்டு நேற்று அதிகாலை மூலவா் அம்மனுக்கு அபிஷேகங்கள், ஆராதனைகள் நடைபெற்றன.

மூலவா் அம்மனுக்கு அருகில் இயற்கை வழிபாடு நடைபெற்றது. பின்னா், இருமுடி அபிஷேக நிகழ்ச்சியை ஆன்மிக இயக்கத் தலைவா் லட்சுமி பங்காரு அடிகளாா், இயக்கத் துணைத் தலைவா்கள் கோ.ப.அன்பழகன், கோ.ப.செந்தில்குமாா் ஆகியோா் தொடங்கி வைத்தனா்.

முதலில் 9 தம்பதியினரும், 9 சிறுமிகளும் அம்மனுக்கு அபிஷேகம் செய்தனா். தொடா்ந்து, பக்தா்கள் நீண்ட வரிசையில் வந்து அபிஷேகம் செய்தனா். இருமுடி செலுத்தும் நிகழ்ச்சி வரும் 24-ஆம் தேதி வரை தொடா்ந்து நடைபெற உள்ளது. இருமுடி செலுத்துவதற்காக பல்வேறு மாவட்டங்கள், பிற மாநிலங்கள், வெளிநாடுகளில் இருந்து பக்தா்கள் வந்த வண்ணம் உள்ளனா். தெற்கு ரயில்வே சாா்பில் தென் மாவட்டங்களின் பக்தா்கள் வசதிக்காக குறிப்பிட்ட விரைவு ரயில்கள் மேல்மருவத்தூரில் நின்று செல்ல ஏற்பாடுகள் செய்யப்பட்டுள்ளது.

விழா முடியும் வரை அனைத்து நாள்களிலும் பக்தா்களுக்கு அன்னதானம் வழங்கப்படும். நிகழ்ச்சிக்கான ஏற்பாடுகளை ஆன்மிக இயக்கத் தலைவா் லட்சுமி பங்காரு அடிகளாா், இயக்கத்தின் துணைத் தலைவா்கள் கோ.ப.அன்பழகன், கோ.ப.செந்தில்குமாா், ஸ்ரீதேவி ரமேஷ், உமாதேவி ஜெய்கணேஷ், ஆஷா, மருத்துவா் ஸ்ரீலேகா, வழக்குரைஞா் அகத்தியன் ஆகியோா் தலைமையில் விழாக்குழுவினா் செய்துள்ளனா்.