திரவுபதி அம்மன் கோவில் தேர் திருவிழா !

திருக்கோவிலுார் அடுத்த பரனுார் சத்திரம் திரவுபதி அம்மன் கோவிலில் தேர் திருவிழா நடந்தது. இக்கோவிலில் பிரம்மோற்சவ விழா துவங்கி நடைபெற்று வருகிறது. முக்கிய நிகழ்ச்சியாக நேற்று தேர் மற்றும் தீமிதி விழா நடந்தது. அதனையொட்டி நேற்று முன்தினம் மாலை 4:00 மணிக்கு அலங்கரிக்கப்பட்ட அம்மன் தேரில் எழுந்தருளச் செய்து, பக்தர்கள் வடம் பிடித்து இழுத்தனர். அதனைத் தொடர்ந்து, தீ மிதி விழா நடந்தது. பக்தர்கள் தீமிதித்து நேர்த்திக்கடன் செலுத்தினர். திரளான பக்தர்கள் பங்கேற்றனர்.