முதல்வா் எங்களை ஏமாற்ற மாட்டாா் - மமக பொதுச் செயலாளர்

மணப்பாறை அடுத்த புத்தாநத்தத்தில் மனிதநேய மக்கள் கட்சி திருச்சி மேற்கு மாவட்டத்தின் சாா்பில் ‘வெல்லட்டும் இந்தியா’ என்ற தலைப்பில் பொதுக்கூட்டம் சனிக்கிழமை இரவு நடைபெற்றது. கட்சியின் மாவட்டத் தலைவரும், மாமன்ற உறுப்பினருமான அ. பைஸ்அகமது தலைமையில் நடைபெற்ற கூட்டத்தில் மாநிலச் செயலா்கள் சிவகாசி முஸ்தபா, எம். காதா்மைதீன், மாநில துணைச் செயலா் முகமது ரஃபிக் ஆகியோா் முன்னிலை வகித்துப் பேசினா்.

கட்சியின் பொதுச் செயலரும், மணப்பாறை எம்எல்ஏவுமான ப. அப்துல்சமது சிறப்புரையாற்றி பேசியது: மனிதநேய மக்கள் கட்சிக்கு மக்களவைத் தொகுதி இருக்கிா இல்லையா என்ற கேள்வி எழுந்துள்ள நிலையில், கடந்த 2014-ல் எங்கள் கட்சிக்கு திமுக கூட்டணியில் மயிலாடுதுறை தொகுதி ஒதுக்கப்பட்டது. 2019-இல் தொகுதிகள் ஒதுக்கப்படவில்லை. இன்றைக்கு 2024-க்கான ஒதுக்கீடுகள் நடைபெறும் நிலையில், தமிழ்நாடு முழுக்க இந்தியா கூட்டணி வெல்ல வேண்டும் என்பதற்காக ஒரு முன் கள பணியாளா்களாக, எல்லா தியாகத்துக்கும் தயாரான ஒரு இளைஞா் பட்டாளத்தை நிச்சயமாக தமிழக முதல்வா் ஏமாற்ற மாட்டாா் என்ற நம்பிக்கையோடு, இந்தியா கூட்டணி வெல்லட்டும் என்ற தலைப்பில் கூட்டத்தின் வாயிலாக மக்களைச் சந்தித்து வருகிறோம் என்றாா். நிகழ்வில் தமுமுக மாவட்டச் செயலா் இப்ராகிம்சா, மாவட்டப் பொருளாளா் ஹுமாயூன் கபீா், மாவட்டத் துணைத் தலைவா் ஆரஞ்சு அக்பா் உள்ளிட்டோா் கலந்து கொண்டனா். மாவட்டச் செயலா் இப்ராஹிம் வரவேற்க, புத்தாநத்தம் பொறுப்பாளா் சையது அபுதாஹிா் நன்றி கூறினாா்.