தேரில் இருந்து தவறி விழுந்த வாலிபர் உயிரிழப்பு - காவல்துறையினர் விசாரணை

தர்மபுரி மாவட்டம் பாலக்கோடு சட்டமன்ற தொகுதிக்குட்பட்ட காரிமங்கலம் ஜக்குப்பட்டியை சேர்ந்தவர் திருப்பதி, இவர்களது குலதெய்வ கோயிலான, தர்மபுரி மூக்கனூர் ஆதிமூல வெங்கட்டரமண சுவாமி கோயிலில், நேற்று தேரோட்டம் நடந்தது. இதற்காக அங்கு சென்ற திருப்பதி, தேருக்கு அலங்காரம் செய்யும் பணியில் ஈடுபட்டார். இவருடன் 7 பேர், அலங்காரம் செய்யும் பணியில் ஈடுபட்டிருந்தனர். அப்போது எதிர்பாராத விதமாக, தேரில் இருந்து திருப்பதி தவறி விழுந்தார். இதில் படுகாயமடைந்த அவரை அங்கிருந்தவர்கள் மீட்டு, தர்மபுரி அரசு மருத்துவமனைக்கு கொண்டு சென்றனர். அங்கு மருத்துவர்கள் பரிசோதித்து பார்த்த போது, அவர் ஏற்கனவே இறந்து விட்டதாக தெரி வித்தனர். இதுபற்றி மதிகோண்பாளையம் காவல்துறையினர் வழக்கு பதிவு செய்து, விசாரணை நடத்தி வருகின்றனர்