தேமுதிகவினர் மெழுகுவர்த்தி ஏந்தி கண்ணீர் அஞ்சலி

சேலம் மாவட்டம் சங்ககிரி பகுதிகளில் தேமுதிக தலைவரும் முன்னாள் எதிர்க்கட்சி தலைவருமான விஜயகாந்த் மறைவிற்கு சேலம் மேற்கு மாவட்ட தேமுதிக சார்பில் மெழுகுவர்த்தி கையில் ஏந்தி ஊர்வலமாக சென்று தேமுதிகவினர் பொதுமக்கள் கண்ணீர் அஞ்சலி செலுத்தினர் . தேமுதிக தலைவரும் தமிழக முன்னாள் சட்டமன்ற எதிர்க்கட்சி தலைவருமான விஜயகாந்த் உடல் நலக்குறைவால் மருத்துவமனையில் காலமானார். இன்று பொதுமக்களின் அஞ்சலிக்காக விஜயகாந்த் உடல் வைக்கப்பட்டு தேமுதிக தலைமை அலுவலகத்தில் நல்லடக்கம் செய்யபடது. இந்நிலையில் சேலம் மேற்கு மாவட்ட தேமுதிக சார்பில் சங்ககிரி சட்டமன்ற தொகுதிக்குட்பட்ட மகுடஞ்சாவடி ஒன்றியம் காக்காபாளையம் பகுதியில் தேமுதிகவினர் மற்றும் பொதுமக்கள் கையில் மெழுகுவர்த்தி ஏந்தி ஊர்வலமாகச் சென்று விஜயகாந்த் அவர்களின் திருஉருவப்படத்திற்கு மலர் தூவி கண்ணீர் அஞ்சலி செலுத்தினார்.