சாக்கடை கால்வாயில் தவறி விழுந்து டிரைவர் பலி

சேலம் கன்னங்குறிச்சி பகுதியை சேர்ந்தவர் ஜெயசீலன் (வயது 45). டிரைவரான இவர் நேற்று முன்தினம் இரவு 5 ரோடு பகுதியில் உள்ள சாக்கடை கால்வாய் ஓரத்தில் மது போதையில் அமர்ந்து இருந்ததாக கூறப்படுகிறது. அப்போது எதிர்பாராதவிதமாக அவர் சாக்கடை கால்வாயில் தவறி விழுந்தார். இதை பார்த்த அந்த வழியாக சென்றவர்கள் அவரை மீட்டு சிகிச்சைக்காக 108 ஆம்புலன்ஸ் மூலம் சேலம் அரசு அரசு ஆஸ்பத்திரிக்கு அனுப்பி வைத்தனர். அங்கு டாக்டர்கள் பரிசோதனை செய்தபோது ஜெயசீலன் ஏற்கனவே இறந்து விட்டது தெரியவந்தது. இதுகுறித்து அழகாபுரம் போலீஸ் சப்-இன்ஸ்பெக்டர் ஜெரினா பீவி வழக்குப்பதிவு செய்து விசாரணை நடத்தி வருகிறார்.