கடைக்குள் புகுந்த ஆந்தைகள் - தீயணைப்பு வீரர்கள் மீட்பு

சங்கராபுரம் அருகே கடைக்குள் புகுந்த ஆந்தைகளை தீயணைப்பு வீரர்கள் மீட்டு வனத்துறையினரிடம் ஒப்படைத்தனர். சங்கராபுரம் அடுத்த தேவபாண்டலத்தைச் சேர்ந்தவர் திருப்பதி, 30; இரு சக்கர வாகன பழுது பார்க்கும் கடை உரிமையாளர். இவரது கடைக்குள் நேற்று 2 ஆந்தைகள் புகுந்தன. வெகுநேரமாக அவைகளை வெளியேற்றியும் கடைக்குள்ளேயே பறந்தன. தகவலறிந்து வந்த சங்கராபுரம் தீயணைப்பு நிலைய அலுவலர் (பொறுப்பு) ரமேஷ்குமார் தலைமையில் தீயணைப்பு வீரர்கள் கடைக்குள் இருந்தை 2 ஆந்தைகளையும் பிடித்து வனத்துறையினரிடம் ஒப்படைத்தனர்.