மீன் பிடித்தவர் குளத்தில் தவறி விழுந்து பலி

திண்டுக்கல் மாவட்டம், சாணார்பட்டி ஒன்றியம் வேம்பார்பட்டி ஊராட்சிக்கு உட்பட்ட வி.குரும்பபட்டியைசேர்ந்தவர் வெள்ளைச்சாமி. இவரது மகன் வீரபாண்டி (வயது 35) கூலித்தொழிலாளி.இந்த நிலையில் வீரபாண்டி நேற்று விளக்கு ரோடு அருகே உள்ள மந்தை குளத்தில் வலை போட்டு மீன் பிடித்துக் கொண்டிருந்தார். அப்போது எதிர்பாராதமாக குளத்தில் தவறி விழுந்தார். இந்த சம்பவம் குறித்து நத்தம் தீயணைப்பு துறையினருக்கு தகவல் தெரிவிக்கப்பட்டது. அதன் பேரில் தீயணைப்புத் துறையினர் விரைந்து வந்து நீண்ட நேரம் தேடுதலுக்கு பின்னர் அவரது உடலை மீட்டனர். இதையடுத்து சாணார்பட்டி போலீசார் சம்பவ இடத்திற்கு விரைந்து வந்து வீரபாண்டி உடலை மீட்டு பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர்.