முகமூடி கொள்ளையர்கள் அட்டகாசம்

விழுப்புரம் மாவட்டம், சேந்தனுார் அடுத்த தென்குச்சிபாளையத்தை சேர்ந்தவர் சூரியகுமார், 63; இவரது மனைவி பவானி, 49; இருவரும் கள்ளக்குறிச்சி மாவட்டம், சின்னசேலம் அடுத்த நமச்சிவாயபுரம் காட்டுகொட்டகையில் வாடகை வீட்டில் வசித்து வருகின்றனர்.

சூரியகுமார் தச்சூரில் உள்ள ரைஸ்மில்லில் பாய்லர் ஆபரேட்டராக பணி புரிகிறார். நேற்று முன்தினம் நள்ளிரவு 12:00 மணியளவில் முகமூடி அணிந்த மர்ம நபர்கள் 2 பேர் வீட்டிற்குள் நுழைந்து, கத்தியை காட்டி மிரட்டி, பவானியிடம் தாலியை கழற்றித் தரும்படி கேட்டனர்.

பவானி தர மறுத்ததால் ஆத்திரமடைந்த மர்ம நபர்கள் சூரியகுமார் மற்றும் பவானியின் தலையில் கத்தியால் தாக்கி 5 சவரன் செயினை பறித்துச் சென்றனர். காயமடைந்த இருவரும் சின்னசேலம் அரசு அரசு மருத்துவமனையில் சேர்க்கப்பட்டனர்.