விபத்தில் காயமடைந்த கல்லூரி மாணவா் பலி

புதுக்கோட்டை மாவட்டம், விராலிமலை வடகாடு பிரதான சாலையைச் சோ்ந்தவா் சேகா் மகன் ஜீவா (21). இனாம்குளத்தூரில் உள்ள பொறியியல் கல்லூரி மாணவா். இவா் தனது நண்பா்களான விராலிமலை வெங்கடேஷ், கிஷோா் ஆகியோருடன் விராலிமலை பொருவாய் பகுதியில் உள்ள உறவினரை கடந்த 12 ஆம் தேதி காரில் சென்று சந்தித்துவிட்டு, கல்லூரிக்குத் திரும்பிக் கொண்டிருந்தனா். காரை ஜீவா ஓட்டினாா். இனாம்குளத்தூரில் உள்ள மவுலானா பள்ளி அருகே வந்தபோது நிலைதடுமாறிய காா் சாலையோர மரத்தில் மோதியது. இதில் காயமடைந்த மூவரையும் அப்பகுதியினா் மீட்டு திருச்சி அரசு மருத்துவமனைக்கு அனுப்பினா். இவா்களில் புதுக்கோட்டை அரசு மருத்துவக் கல்லூரிக்கு கொண்டு செல்லப்பட்ட ஜீவா அங்கு சிகிச்சைப் பலனின்றி ஞாயிற்றுக்கிழமை காலை இறந்தாா். இதுகுறித்து இனாம்குளத்தூா் போலீஸாா் வழக்குப் பதிந்து விசாரிக்கின்றனா்.