அமைச்சருக்கு டிஆர்பி ராஜாவிற்கு ஆட்டுகுட்டி வழங்கிய ஐடி விங் நிர்வாகி !

கோவை நாடாளுமன்ற தொகுதியில் போட்டியிடும் வேட்பாளர்கள் கடந்த வாரம் முதல் வேட்பு மனு தாக்கல் செய்து வருகின்றனர்.அதிமுக சார்பில் போட்டியிடும் சிங்கை ராமசந்திரன்,நாம் தமிழர் கட்சி வேட்பாளர் கலாமணி உள்ளிட்ட சுயேட்சைகளும் வேட்பு மனு தாக்கல் செய்துள்ள நிலையில் வேட்பு மனு தாக்கலின் இறுதி நாளான இன்று பாஜக வேட்பாளர் வேட்பு மனு தாக்கல் செய்தனர்.பாஜக மாநில தலைவர் அண்ணாமலை கோவை டவுன்ஹால் பகுதியில் உள்ள கோனியம்மன் கோவிலில் சாமி கும்பிட்ட பின்னர் அண்ணா சிலையில் இருந்து 1000க்கும் மேற்பட்டோருடன் ஊர்வலமாக வந்து வேட்பு மனு தாக்கல் செய்தார்.அது போல் திமுக வேட்பாளர் கணபதி ராஜ்குமார் மருதமலை சுப்பிரமணிய சுவாமி கோவிலில் சாமி கும்பிட்டு விட்டு தனது பிரச்சாரத்தை துவக்கினார்.முன்னதாக மருதமலையில் ராஜ்குமார் தேர்தல் பிரச்சாரத்தில் ஈடுபட்ட போது உடன் இருந்த தமிழக தொழில்துறை அமைச்சர் டிஆர்பி ராஜாவிற்கு திமுக ஐடி விங் மருதமலை பகுதி ஒருங்கிணைப்பாளர் விக்னேஷ் ஆட்டுக்குட்டி வழங்கினார்.இந்த வீடியோ தற்போது சமுக வளை தளங்களில் வைரலாக பரவி வருகிறது. கோவைக்கு பாஜக அண்ணாமலை அறிவிக்கப்பட்டவுடன் அமைச்சர் டிஆர்பி ராஜா தேர்தல் முடிந்தவுடன் மட்டன் பிரியாணி சுவையான ஆட்டு பிரியாணி ரெடியாகிறது என்று கூறினார்.அது தற்போது சமூக வளை தளங்களில் வைரலகி வருகிறது.