கொழுந்தியாளை தாக்கிய கூலி தொழிலாளி கைது

கெங்கவல்லி:சேலம் மாவட்டம் கெங்கவல்லி அருகே தெடாவூர் பேரூராட்சியில் வசிப்பவர் முருகேசன் (வயது 57). இவருடைய மனைவி ராஜேஸ்வரி. கணவன்- மனைவி இடையே அடிக்கடி தகராறு ஏற்பட்டு வந்தது. இவரது வீட்டின் அருகில் ராஜேஸ்வரியின் தங்கை விஜயகுமாரி வசித்து வருகிறார். சம்பவத்தன்று கணவன்- மனைவி இடையே தகராறு ஏற்பட்ட போது ராஜேஸ்வரி, விஜயகுமாரி வீட்டுக்கு சென்று தங்கி உள்ளார். அங்கு சென்ற முருகேசன், தன்னுடைய மனைவியை தன்னுடன் அனுப்புமாறு கூறியுள்ளார் அப்போது அங்கு ஏற்பட்ட தகராறில் விஜயகுமாரியை முருகேசன் தாக்கியதாக கூறப்படுகிறது. இதில் காயம் அடைந்த விஜயகுமாரி சேலம் அரசு ஆஸ்பத்திரியில் சிகிச்சைக்காக அனுமதிக்கப்பட்டார். இந்த சம்பவம் தொடர்பாக கெங்கவல்லி போலீசார் வழக்குப்பதிவு செய்து முருகேசனை கைது செய்தனர்.