திடீரென மயங்கி விழுந்து லாரி ஓட்டுனர் உயிரிழப்பு

தூத்துக்குடி மாவட்டம், கோவில்பட்டி கழுகுமலை குமரேசன் நகரை சேர்ந்தவர் பத்மநாபன் இவர் லாரி டிரைவர். கோவில் பட்டியில் இருந்து தீப்பெட்டி பாரம் ஏற்றி உத்தரபிரேதேசம் நோக்கி புறப்பட்டார். நேற்று மாலை தர்மபுரியை அடுத்த மதிகோண்பாளையம் குண்டல்பட்டி பகுதியில் லாரி வந்து கொண்டிருந்தது. அப்போது பத்மநாபன் லாரியை சாலையோரத்தில் நிறுத்திவிட்டு டீ குடித்தார். பின்னர் சிறிது நேரத்தில் திடீரென மயங்கி விழுந்தார். உடன் அருகில் இருந்தவர்கள் அவரை மீட்டு, தர்மபுரி அரசு மருத்துவமனையில் சேர்த்தனர். அங்கு பத்மநாபனை பரிசோதனை செய்த டாக்டர்கள் அவர் ஏற்கனவே உயிரிழந்து விட்டதாக தெரிவித்தனர். இதுகுறித்து மதிகோன்பாளையம் காவல்துறையினர் வழக்கு பதிவு செய்து விசாரணை நடத்தி வருகின்றனர்.