வாலிபரிடம் நகை, பணம் பறித்தவர் கைது

சேலம் அழகாபுரம் மிட்டாபுதூரை சேர்ந்தவர் சிவா ( 21). இவர், நேற்று முன்தினம் நகரமலை அடிவாரம் பகுதியில் நடந்து சென்றார். அவ்வழியாக வந்த வாலிபர் கத்தியை காட்டி மிரட்டி, அவர் வைத்திருந்த ரூ.420 மற்றும் அரைபவுன் மோதிரம் ஆகியவற்றை பறித்து சென்றுவிட்டார். இதுகுறித்து அழகாபுரம் போலீசார் வழக்குப்பதிவு செய்து விசாரணை நடத்தினர். சிவாவிடம் நகை, பணத்தை வழிப்பறி செய்தது தர்மபுரி மாவட்டம் சின்னஹள்ளியை சேர்ந்த மணி என்ற புல்லட் மணிகண்டன் என்பது தெரியவந்தது. அவரை போலீசார் கைது செய்தனர்.