அதிகரித்தது வாக்காளர்கள் எண்ணிக்கை !

காஞ்சிபுரம் மாவட்டம் ஸ்ரீபெரும்புதுார் நாடாளுமன்ற தொகுதியில் தாம்பரம், பல்லாவரம், அம்பத்துார், மதுரவாயல், ஆலந்தூர், ஸ்ரீபெரும்புதூர் என 6 சட்டமன்ற தொகுதிகள் உள்ளன. இந்த தொகுதிகளில் உள்ள வாக்காளர்கள் விபரம் அடங்கிய இறுதி வாக்காளர் பட்டியல், கடந்த ஜனவரி 22ல் வெளியிடப்பட்டது. ஸ்ரீபெரும்புதூர் தொகுதியில் 23 லட்சத்து 73 ஆயிரத்து 486 வாக்காளர்கள் உள்ளனர். 5 ஆண்டுகளுக்கு முன்பாக 2019ல் நடந்த நாடாளுமன்ற தேர்தலின்போது, இதே தொகுதியில் 22 லட்சத்து 53 ஆயிரத்து 041 வாக்காளர்கள் இருந்தனர். 5 ஆண்டுகளில் நடந்த வாக்காளர் பெயர் சேர்த்தல் முகாம்கள் மூலம் 1 லட்சத்து 20 ஆயிரத்து 445 வாக்காளர்கள் எண்ணிக்கை உயர்ந்துள்ளது தெரியவந்துள்ளது.