மயங்கி விழுந்து மூதாட்டி பலி

திருவண்ணாமலை மாவட்டம்,வந்தவாசி அடுத்த சாலவேடு கிராமம் முதலியார் தெருவைச் சேர்ந்த ஆறுமுகம் என்பவரது மனைவி கனகவல்லி (வயது 80) வந்தவாசி பஜார் சாலையில் காய்கறி வாங்குவதற்காக நடந்து சென்றுள்ளார்.

வெயிலின் காரணமாக திடீரென மூதாட்டி மயங்கி விழுந்தார். அருகில் இருந்தவர்கள் மூதாட்டியை மீட்டு, சிகிச்சைக்காக செங்கல்பட்டு அரசு மருத்துவமனையில் அனுமதித்த நிலையில் மூதாட்டி சிகிச்சை பலனின்றி பரிதாபமாக உயிரிழந்தார்.