ஆற்றில் தவறி விழுந்த மூதாட்டி மூச்சு திணறி சம்பவ இடத்தில் பலி

தென்காசி மாவட்டம், சங்கரன்கோவில் அருகே திருவேங்கடம் மகாத்மா காந்தி நகரை சேர்ந்த சித்திரவேல் என்பவருடைய மனைவி 80 வயது மூதாட்டி குருவம்மாள்(80) இவருடைய வீடு அப்பகுதியில் உள்ள ஆற்றின் கரையோரம் அமைந்துள்ளது. இந்நிலையில் மூதாட்டி குருவம்மாள் ஆற்றின் கரையோரம் நடந்து சென்று கொண்டிருந்த போது எதிர்பாரத விதமாக கால் தவறி ஆற்றில் விழுந்ததாக கூறப்படுகிறது.

மூதாட்டியை நீண்ட நேரமாக காணாததைக் கண்டு அவருடைய உறவினர்கள் ஆற்றின் கரையோரம் தேடிப் பார்த்தபோது மூதாட்டி குருவம்மாள் ஆற்றில் சடலமாக கிடப்பதை கண்டு அதிர்ச்சி அடைந்த அவர்கள் உடனடியாக காவல்துறையினருக்கு தகவல் தெரிவித்தனர்.

விரைந்து வந்த திருவேங்கடம் காவல்துறையினர் ஆற்றில் தவறி விழுந்து உயிரிழந்த மூதாட்டியின் சடலத்தை மீட்டு தனியார் ஆம்புலன்ஸ் மூலம் சங்கரன்கோவில் அரசு மருத்துவமனைக்கு உடற்கூறு ஆய்வுக்காக பரிசோதனைக்காக அனுப்பி வைத்தனர். தொடர்ந்து சம்பவம் குறித்து திருவேங்கடம் போலீசார் வழக்கு பதிவு செய்து விசாரணை மேற்கொண்டு வருகின்றனர்.