தொடர் கொள்ளையில் ஈடுபட்டவர் கைது !

திண்டுக்கல் மாவட்டம் பழனி தாலுகா காவல் நிலைய எல்லைக்கு உட்பட்ட பகுதியில் வீட்டின் பூட்டை உடைத்து உள்ளே நுழைந்து கொள்ளையடித்து சென்றது தொடர்பாக தாலுகா காவல் நிலையத்தில் வழக்கு பதிவு செய்யப்பட்டது. இதுகுறித்து எஸ்.பி. பிரதீப் உத்தரவின் பேரில் டிஎஸ்பி. தனஜெயன் மேற்பார்வையில் தாலுகா காவல் நிலைய ஆய்வாளர், சார்பு ஆய்வாளர், காவலர்கள் கார்த்திகேயன், சேக்முபாரக் ஆகியோர் கொண்ட தனிப்படையினர் அப்பகுதிகளில் உள்ள சிசிடிவி பதிவுகளை ஆய்வு செய்து தீவிர விசாரணை மேற்கொண்டனர். மேற்படி சம்பவத்தில் ஈடுபட்ட பிரபல திருடன் சிவகங்கை சேர்ந்த அதிபதிராஜா என்பவரை கைது செய்து அவரிடமிருந்து காரை பறிமுதல் செய்து விசாரணை மேற்கொண்டனர். மேலும் இவ்வழக்கில் தொடர்புடைய சிலரை தனிப்படையினர் தேடி வருகின்றனர்.