சேலத்தில் வெள்ளிப்பட்டறை உரிமையாளரை தாக்கியவர் கைது

சேலம் கொண்டலாம்பட்டி அருகே சிவதாபுரம் பகுதி குடுமியான் தெருவை சேர்ந்தவர் சண்முகம் (வயது 45), வெள்ளி கொலுசு பட்டறை உரிமையாளர் ஆவார். இவர் கடந்த இரண்டு நாட்களுக்கு முன்பு கிருஷ்ணப்பா தியேட்டர் அருகே தனது மொபாட்டை நிறுத்திவிட்டு கடைக்கு சென்று உள்ளார்.

அப்போது பெரிய புத்தூர் வடக்கு தெருவை சேர்ந்த சவுந்தர்ராஜன் (34) என்பவருக்கும் இடையே முதலில் வாய் தகராறு ஏற்பட்டது. இதையடுத்து சண்முகம் கிருஷ்ணப்பா பிரிவு ரோட்டில் வீட்டுக்கு மொபட்டில் சென்று கொண்டிருந்தபோது தடுத்து நிறுத்திய சவுந்தர்ராஜன் இரும்பு கம்பியால் தாக்கியதில் சண்முகம் படுகாயம் அடைந்தார்.

இதுகுறித்து கொண்டலாம்பட்டி போலீசார் வழக்குப்பதிவு செய்து சவுந்தர்ராஜனை கைது செய்து சிறையில் அடைத்தனர்.