பட்டாகத்தியுடன் புகைப்படம் பதிவிட்ட ஆசாமி கைது

திருவாரூர் மாவட்டம் வலங்கைமான் தாலுக்கா ஆவூர் பகுதியில் சந்தேகத்திற்கு இடமாக சுற்றி திரிந்த நபரை சந்தேகத்தின் அடிப்படையில் வலங்கைமான் காவலர்கள் விசாரணை செய்தபோது முன்னுக்குப் பின் முரணாக பேசி வந்துள்ளார் . விசாரணையில் அவர் வலங்கைமான் ஆவூர் பகுதியைச் சேர்ந்த பாஸ்கர் என்பவரின் மகன் தமிழ் வேந்தன் என தெரியவந்துள்ளது. விசாரணையின் போது அவரின் கைபேசியை வாங்கி பார்த்த போது நீண்ட வாள் வைத்த புகைப்படத்துடன் அந்த நபர் இருப்பது தெரியவந்தது. இதனை தொடர்ந்து காவல்துறையினர் விசாரணையை தீவிர படுத்திய போது குற்றவாளி இந்த புகைப்படத்தை அவரது முகநூல் உள்ளிட்ட சமூக வலைதளங்களிலும் இணையதளத்திலும் பதிவிட்டுள்ளது தெரிய வந்தது.

மேலும் வீட்டில் சோதனை செய்தபோது மிக பயங்கரமான நீளமான வாள் மற்றும் அரிவாள் ஒன்றும் பதுக்கி வைக்கப்பட்டுள்ளது ஆயுதங்களை கைப்பற்றி குற்றவாளியை காவல் துறையினர் கைது செய்து சிறையில் அடைத்தனர்.