நித்திரவிளையில் மூதாட்டியிடம் செயின் பறித்தவர் கைது

குமரி மாவட்டம் நித்திரவிளை அருகே தூத்தூர் பகுதியை சேர்ந்த போஸ்க் என்பவரது மனைவி மரியபுரோஸ் (76 ) என்பவர் நேற்று காலை வீட்டில் சேகரித்த குப்பையை அந்த பகுதியில் உள்ள கால்வாய் கரையில் கொட்டுவதற்கு நடந்து சென்று கொண்டிருந்தார்.

அப்போது மூதாட்டியின் பின்னால் நடந்து சென்ற ஒருவர் மூதாட்டின் கழுத்தில் கிடந்த இரண்டரை பவுன் தாலியை பரித்து சென்ற சம்பவம் நடந்தது. இது தொடர்பாக நித்திரவிளை போலீசார் வழக்கு பதிவு செய்து, அந்த பகுதியில் உள்ள சிசிடிவி கேமராவில் பதிவான காட்சிகளை ஆய்வு செய்தனர். அதில் சுமார் 40 வயது மதிக்கத்தக்க ஒருவர் நடந்து வந்து மூதாட்டி கழுத்தில் கிடந்த செயினை பறித்து விட்டு ஓடும் காட்சி பதிவாகி இருந்தது.

போலீசார் சுற்றுவட்டார பகுதியில் உள்ள மேலும் சில சிசிடி கேமராவில் பதிவான காட்சிகளை ஆய்வு செய்து விசாரித்தனர். அப்போது செயினை பறித்துக் கொண்டு ஓடியவர் பூத்துறை பகுதியில் இருந்து அரசு பஸ்ஸில் ஏறும் காட்சி பதிவாகி இருந்தது.

இதையடுத்து இன்று காலை திருட்டில் சம்பந்தப்பட்ட நபரை சின்னதுறை என்ற பகுதியில் இருந்து போலீசார் மடக்கி பிடித்து விசாரித்து வருகின்றனர்.