வெல்டிங் பட்டறையில் பொருட்களை திருடியவர் கைது

திண்டுக்கல் மாவட்டம், நத்தம் அருகே குட்டுப்பட்டி- லட்சுமணபுரத்தை சேர்ந்தவர் கோபு (45). இவர் பாப்பாபட்டி பிரிவு அருகே வெல்டிங் ஒர்க் ஷாப். பட்டறை நடத்தி வருகிறார். இந்நிலையில் இரவு கடையை அடைத்து விட்டு வீட்டுக்கு சென்று விட்டார். மறுநாள் காலை கடையை திறந்த போது கடையில் இருந்த 20 அடி இரும்பு பைப், ஹோம் தியேட்டர், வெல்டிங் மிசின் உள்ளிட்ட பொருட்கள் திருடு போயிருந்தது. இச்சம்பவம் குறித்து நத்தம் போலீஸில் புகார் செய்தார்.அதன் நத்தம் போலீஸார் வழக்கு பதிவு செய்து வெல்டிங் பட்டறையில் உள்ள சி.சி.டிவி கேமரா பதிவுகளை ஆய்வு செய்தார். இதில் பாப்பாபட்டியை சேர்ந்த இளையராஜா (25) என்பவர் பொருட்களை திருடி சென்றது தெரிய வந்தது. இதையடுத்து அவரை கைது செய்த போலீஸார் அவரிடமிருந்த பொருட்களை பறிமுதல் செய்தனர்.