டிராக்டா் டிரைவரை வெட்ட முயன்றவர் கைது!

தூத்துக்குடி மாவட்டம் குரும்பூா் அருகே தகராறு செய்து டிராக்டா் டிரைவரை தாக்கி அரிவாளால் வெட்ட முயன்றவரை போலீசார் கைது செய்தனா். இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், தென்திருப்பேரை மாவடிப்பண்ணையைச் சோ்ந்தவா் வேல்சாமி மகன் பால்பிரபு(28). இவா் அங்குள்ள செங்கல் சூளையில் டிராக்டா் டிரைவராக வேலை பாா்த்து வருகிறாா். வெள்ளத்தில் உடைப்பு ஏற்பட்ட கடம்பாக்குளம் தடுப்புச் சுவா் சீரமைப்புப் பணிக்கான தளவாட சாமான்களை, பால்பிரபு டிராக்டரில் ஏற்றி மேலக்கல்லாம்பாறை பகுதியில் சென்று கொண்டிருந்தாா். அப்போது அங்கமங்கலம் முருகன் மகன் முத்துராமலி­ங்கம்(24) மற்றும் கீழக்கல்லாம்பாறை இசக்கியப்பன் மகன் பேச்சித்துரை என்ற பேச்சி ஆகிய இருவரும் ஒரே பைக்கில் டிராக்டரின் பின்னாடி சென்று கொண்டிருந்தனா். இருவரும் டிராக்டரை மறித்து பால்பிரபுவிடம் நாங்கள் செல்வதற்காக வழிவிடமாட்டாயா? என்று தகராறு செய்துள்ளனா். தகராறு முற்றுவே ஆத்திரமடைந்த முத்துராம­லிங்கமும், பேச்சித்துரையும் பால்பிரபுவை தாக்கி அரிவாளால் வெட்ட முயன்றனா். இதில் காயமடைந்த பால்பிரபு ஸ்ரீவைகுண்டம் அரசு மருத்துவமனையில் அனுமதிக்கப்பட்டாா். இதுகுறித்து குரும்பூா் போலீசார் வழக்குப்பதிந்து, முத்துராம­லிங்கத்தை கைது செய்தனா். தலைமறைவான பேச்சித்துரையை தேடி வருகின்றனா்.