நிலப்பிரச்சினையில் அண்ணனுக்கு கத்திகுத்து !

கெங்கவல்லி:சேலம் கெங்கவல்லி அருகே தெடாவூர் மணக்காடு பகுதியில் வசிப்பவர் அருணாசலம் (வயது 53). விவசாயி. இவருடைய தம்பி காசி (48). இவர்களுக்குள் நிலப்பிரச்சினை இருந்து வந்தது. இதற்கிடையே அருணாசலம் விவசாய தோட்டத்தில் வேலை செய்து கொண்டிருந்தார். அப்போது காசி, உறவினர் பீமன் (47) ஆகியோர் அருணாசலத்திடம் தகராறில் ஈடுபட்டனர். இதனால் ஆத்திரம் அடைந்த காசி தான் மறைத்து வைத்திருந்த கத்தியால் அண்ணன் என்றும் பாராமல் அருணாசலத்தின் வயிற்று பகுதியில் குத்தினார். இதில் பலத்த காயம் அடைந்த அவர் சேலம் அரசு மருத்துவமனையில் சிகிச்சை பெற்று வருகிறார். இதுகுறித்து அருணாச்சலம் கொடுத்த புகாரின்பேரில் கெங்கவல்லி போலீசார் காசி, பீமன் ஆகியோர் மீது வழக்குப் பதிந்து அவர்களை கைது செய்தனர்.